Isambilisho Lya Kulapila Lyalilinga Ukulenga Imwe Ukulwala Ubulwele bwa ku Mupashi. Abantu isonde lyonse baletiina utushishi twaba nga SARS, pa mulandu wa kuti kuti bafwa nga bakwata utushishi twa ifi utushimoneka. Ifyo fine, Abena Kristu muno nshiku abali mwi sonde lyonse balefwa mu mibili yabo ne mipashi mu kwambula isambilisho lya kulapila. Bushe ninani wingeshiba ukuti isambilisho lya kulapila lyalilubana sana? Bushe mwalishiba uwalengele Abena Kristu ukuwila mu cilindi ca cimfulunganya ica ku mupashi? Bena Kristu ababembu abene abapepa amapepo ya kulapila cila bushiku mu kuba abasangululwa ku membu shabo abene nelyo balelanda ukuti balitetekela muli Yesu Kristu nga Kapususha wabo. Eico, mulingile ukupokelela ukulekelelwa kwa membu pa kutetekela mu Cebo ca mbilansuma ya menshi no Mupashi iyo Lesa atupeele pa kutendeka. Tamufwile ukupusa ishuko lisuma ilya kufyalwa libili. Ifwe bonse tulingile ukutaluka mu nshila ya mfifi iya cimfulunganya ca ku mupashi pa kutetekela mu Cine ca mbilansuma ya menshi no Mupashi. Elyo, twingalolesha ku lubuuto ulwabengeshima ulwa Cine, ulwaishile ne mbilansuma ya menshi no Mupashi.
