Monografiyada o'zbek bolalar folklorining anʼanaviy, mustaqil sheʼriy shakllaridan biri - qiziqmachoqlar xalq qo'shiqchiligining janriy jihatdan tadrijiy taraqqiyotini o'rganishda muhim manbalardan biri ekanligi ilmiy-nazariy asoslangan; qiziqmachoqlar xalq qiziqchiligi, ertaklar, bolalar folkloridagi erkalama, ovutmachoq, sanama, tegishmachoq, tez aytish, guldur-gup, hukmlagich kabi janrlar bilan bog'liqlikda kelib chiqqani va badiiy taraqqiy topganligi, o'ziga xos janriy xususiyatlarga egaligiga alohida eʼtibor qaratilgan. Risolada qiziqmachoqlarning mavzuiy-shakliy turlari, anʼanaviy obrazlar tizimi, asosiy motivlari, lingvopoetik va kompozitsion xususiyatlari, band qurilishi, vazni, qofiyalanish tizimi, ifoda-tasvir uslubi, badiiy-estetik vazifalari faktik materiallar orqali aniqlangan.
