Buka eno ke kgang-khutswe. Moono wa yona o totile basha, segolo bogolo mo dinakong tseno tse di thata. Mo dinakong tsa malwetse, botlhoka-tiro, go nyelela ga thutego, go eletsa khumo eo esa direlwang, go solofelwa tsotlhe ele mphiwa fela. Go thata kwa malapeng ga gona ngwana le mogolo, go thata ko tirong ka ditiro le dituelo di seyo, kea sekolong barutabana ba wele mewa, bagodi ba bone go le botoka go leba fela, puso ga ena leo e sekamang ka lona. Batlokwa go itse go thata. Khutswe eno e tlaa seka seka botshelo jwa gompieno. E bua ka bua ba tsamayang fifing.
Khutswe eno e bua ka lekawana, Mokae. Mokae osa tswa go bona maretlou wa gagwe. Fela jaaka bontsi jwa makawana a kwa magaeng ga a itse gore a le lebe ntlha efe. Go ntse go le jalo o fetsa a leba botlhaba-tsatsi. Re tlaa itemogela go tswa mo khutsweng gore aa bo mo tsholetse sengwe botlhabatsatsi. O tswa kwa magaeng mosimane wa etsho go ya majako. Kwa a yang go ise Modimo le Badimo, ene o tsamaya fela ka tshepo. O tsamaya a apaapa.
