Tula ang isa sa ginagamit natin upang mailahad ang ating
nararamdaman at maipahayag ang ating mga pananaw o ideya sa isang
partikular na paksa. Sa pamamagitan ng tula, tayo ay nakakabuo ng
mga obra na magbibigay mensahe at kalinawan sa mga mambabasa
gamit ang ating malupit na pluma, isip, at damdamin sa pagkatha.
Ang "Mga Boses ng Pluma", ay koleksiyon ng mga tula na naglalahad
ng iba't ibang boses sa ating buhay, para sa pag-ibig, para sa kalikasan,
para sa Diyos, para sa pamilya, para sa kaibigan, at para sa bayan. Ang
librong ito ay naglalayong magbigay inspirasyon at kamalayan sa mga
taong may iba't ibang pinagdadaanan sa buhay at upang magbigay
boses sa kanilang mga nakatagong damdamin.
