Marapo a Tlhogo

by Tshepo Gaerupe

Overview

Poko ke Monate wa puo o o rotloetsang go ja Marapo a tlhogo, o rata o sa rate. E go ruta magokonyane a botshelo, le maranyane a monate wa puo ya Motswana. Ka dinao tse dingwe o ka itlhoma o itse puo, mme go nna mo dinaong tsa mabutswapele ba go tlhaba matlhajana ka poko le morethetho wa Setswana, o ka lemoga fa o sa tswala. Ke ka moo ke reng nna o utlwelele dikeletso, dikakanyo le kgalemo e e tswang mo pokong, e e tswang mo pokong, e tokafatsa 'tshelo jwa gago. Kgotsa o ka tsaya malebela.
Maboko a, a bua ka dilo tsa botshelo le maemo a a farologaneng a botshelo. Ga o ne o ikwatlhaela go a buisa. O se ka wa buisa buka e o le mo lepotlapotleng. Lepotlapotla le ja pudi. Repa mme o bulege matlho le tlhaloganyo!

Product Details

BN ID:	2940165018985
Publisher:	Tshepo Gaerupe
Publication date:	09/09/2021
Sold by:	Smashwords
Format:	eBook
File size:	144 KB
Language:	Tswana

About the Author

Tshepo Gaerupe ke mokwadi, mmoki le rrakgwebo. O tshotswe le go golela kwa motseng wa Ganyesa mo porofenseng ya Bokone Bophirima. O tsene sekolo kwa Tong Comprehensive Secondary School, mme morago a tsweletsa dithuto tsa gagwe kwa UNISA kwa a ithutseng dithuto tsa Tlhaeletsano. Ke mosimolodi le motlhotlhi wa lekwalo la Our Voice le le tlhagisiwang mo mafaratlhatlheng. O dirile kwa Revival FM e leng seyalemowa sa sekeresete kwa porofenseng ya Kapa Bokone. O na le lerato la go direla bašwa le setšhaba e bile o dira seo ka go rotloetsa le botlhatlheledi. Lerato la go tsweletsa setšhaba ke lona le dirileng gore a simolole Our Voice go bapatsa dikgwebopotlana le dikgang tsa setšhaba. Ke mofenyi wa dikabo tse di mmalwa ka ntlha ya talente ya gagwe ya bokwadi, e leng selo se se mo kgontshitseng go dira le mekgatlho ya tsa botaki le botsweretsi. Maboko a gagwe a ne a phasaladiwa mo dibukeng di tshwana le buka ya kokwaanyo ya maboko ya Sol Plaatje European Union ka ngwaga wa 2016 le 2019, FUNDZA le Avbob: I’ wish I’d said. Ka ngwaga wa 2017 o ne a fenya loeto lwa thuto go ya Tanzania ka ntlha ya go fenya kgaisano ya bakwadi ya SOMAFCO Trust Uhuru Africa Initiative. Ke moithuti wa tsa tlhaeletsano kwa Yunibesiting ya Aforikaborwa. Ka ngwaga wa 2019 o ne a fenya kgaisano ya borrakgwebo ba ba thuthugang ya Business Partners SME Toolkit SA Young Aspiring Entrepreneurs Business Plan Award. Ka 2020 a tlhophiwa go tsenela thuto tsa boeteledipele le kgwebo tsa YALI, gape a tlhophiwa jaaka moemedi wa World Literacy Foundation mo Aforikaborwa. Ke mongwe wa bakwadi ba Via Afrika Publishers ba thulaganyo ya Write Publish Read ba 2021.