Një roman plot dritë, ndjenja, përjetime, zhgënjime e ëndërrime, shije dhe aroma. Ngjarjet zhvillohen në Atikë gjatë tri verave dhe rrëfehen nga më e vogla e tri motrave, Katerina,me imagjinatë, me humor, plot ndjenjë dhe me një lloj nostalgjie.
Maria 20-vjeçare, Infanda 18-vjeçare dhe Katerina-16 vjeçare pas divorcit të prindërve të tyre jetojnë me nënën, gjyshin dhe tezen e tyre në një shtëpi në periferi.
Maria është e ndjeshme dhe pranë mistereve të natyrës, s’ngurron të përjetojë dashurinë, të martohet e të krijojë familje. Infanda është e flaktë, por njëkohësisht e përmbajtur, e çlirët kur kalëron me kalin e saj, Romeon, por e ndrojtur kur vjen puna te dashuria për Nikitën. Katerina, është ëndërrimtare dhe me një imagjinatë të shfrenuar që, shpesh, është e vështirë të dallohet nga realiteti. Ajo vendoset para dilemës të kurorëzojë dashurinë me Davidin apo të ndjekë ëndrrën e saj. Paralelisht me historitë e tri vajzave zhvillohet edhe misteri i gjyshes polake, të cilën ato nuk e kanë njohur kurrë, sepse është larguar në krahët e një muzikanti të huaj që kur nëna dhe tezja e tyre qenë në moshë të vogël. Në jetët e tyre në mënyrë të drejtpërdrejtë apo të tërthortë ndikojnë edhe një sërë karakteresh të tjerë, ndërmjet të cilave kapiten Andrea, rebel e me shpirt të lirë apo Lora Parigori, me shpirt të trazuar e plot pasion.
Tri vera, të cilat, siç thotë dhe Katerina në fund të romanit, i dhanë një tjetër rrjedhë jetës së tyre.
