Dorivor o'simliklarni asosiy ta'sir etuvchi omillari ya'ni biologik faol moddalarni aynan qaysi o'simlik tarkibida mavjudligini ularni ajratib olish, taxlil qilish, miqdorini aniqlash hamda tibbiyotda qo'llash usullarini ulardan tayyorlangan dorilar va yig'malardan foydalanishni o'rganish mumkin. Hammaga ma'lumki, butun tirik organizm uchun zarur bo'lgan organik birikmalarni anorganik moddalardan faqat o'simliklargina sintez qila oladi. O'simliklar tarkibidagi dorivor moddalar-biologik faol (aktiv) birikmalar o'simlik o'sish davrida-ontogenezda va turli omillar ta'sirida doimiy o'zgarishda bo'ladi. Ular sintezlanadi, asta-sekin ko'payadi, ma'lum davrda ko'p miqdorda to'planadi. Har bir o'simlik o'zini o'rgangan, yashab taraqqiy etgan, o'ziga xos sharoit va iqlimda o'ssa, tegishli o'ziga xos bo'lgan biologik faol moddalarni ko'p sintez qiladi.
