Mennirnir leggja mikið á sig til þess að fá lífsfyllingu, en tekst það í rauninni ekki. Þeir reyna trúarbrögð og alls kyns góðverk til þess að ná til Guðs, en án árangurs. Þeir leita í náttúrunni og í heimspekinni. Vegurinn til Guðs er lokaður. Og það skynjar fólk. Þess vegna er enginn friður í sálinni. Meðvitað og ómeðvitað hefja menn leit sína að Guði, þjakaðir af dulinni þrá eftir hinni týndu paradís. Af þrotlausri orku og áreynslu reyna menn að brúa gjána milli Guðs og manns.

Maðurinn ber merki skapara síns. Enda er hann skapaður til samfélags við hann. Takmark lífs hans er ekki að finna sjálfan sig. Tilgangur lífsins er aðeins hjá Guði.

Sá sem spyr um tilgang lífsins kemst ekki hjá spurn-ingunni um Guð. Og hann mun spyrja hennar. Fyrr eða síðar.