Josh Thirion is nege jaar oud. Hy is geïnspireer om ’n resepteboek te skryf nadat hy die treffer-TV-reekse MasterChef en Junior MasterChef gekyk het. Hy maak 30 eksemplare van hierdie boek, wat hy daarna by die Mzansi Magic Market Day by Canal Walk, Kaapstad verkoop. Daar is hy só gewild dat mense selfs vir sy handtekening vra! Behalwe kosmaak is Josh ook gek oor teken, veral strokiesprente. Sy ander gunsteling-aktiwiteite is sport, drama, lees en sing.