Bushe kuti twasanga shani icine ica fisama mwi Hema? Ni ku kwishiba fye imbilansuma ya menshi no Mupashi, icintu icine ice Hema, e lyo twingofwikisha bwino bwino no kwishiba ubwasuko bwa ili lipusho.
Mu cishinka, ubwa kafifi, ubwakashikila, no bushishi bwakashika ce na kolokondwe uwakoswa ifyamonekele mu mpongolo ya lubansa lwe Hema fitulanga imilimo ya kwa Yesu Kristu mu nshita ya Cipingo Cipya iya pususha umutundu wa muntu. Muli iyi nshila, Icebo ce Hema ica mu Cipingo Cakale ne Cebo ca mu Cipingo Cipya fyalipalamina kabili fyaliba cimo cine ne cinankwe, nga kolokondwe uwakoswa. Lelo, icabulanda, ici cine califiswa pa nshita ntali kuli bakafwaya ba cine mu bwina Kristu.
Ukwisa kuli cino calo, Yesu Kristu alibatishiwe kuli Yohane no kusumya umulopa Wakwe pa Capindama. Ukwabula ukumfwikisha no kutetekela mu mbilansuma ya menshi no Mupashi, tapali nangu umo muli ifwe uwingasanga icine icasokololwa mwi Hema. Tufwile nomba ukusambilila ici cine ce Hema no kutetekelamo. Bonse tulekabila ukwiluka no kutetekela mu cine icamonekele mu bwa kafifi, ubwakashikila, no bushishi bwakashila ce na kolokondwe uwakoswa ifya pa mpongolo ya lubansa lwe Hema.