Lanjelis se yon voyay. Yon panche lide sou sa Lavi ye, youn nan pi bèl egzèsis yon nanm ka fè. Monte desann nan sak pay Simityè pa fatige Lespri. Se pawòl Vèditè. Moun djayi pou tout bagay. Yo panse tout bagay ap rete la pou toutan. Podjab! Legzistans pase nan sila a ki trepase. Tout annik Vanite. Alòs, pou ki yon nonk blije sakrifye tèt li pou kichòy ki pa Ladire? Lasiba twò kout. Wout Lanmò konplike li atò.

Klete pòt Loray louvri je zòrèy Tonnè. Kouzen, sekle Konprann. Mwens Youn sa li konnen li Ye, plis li sa li Se. Ye Se tout bon vre. ANYEN MENM. ANYEN MENM. Vè se pwòz, Pwòz se vè. Tonm se Entèlijans, Souf ak Matyè.

Moen di mo sila a yo ak Anyen didan kè mwen. Nan bouske bèlte Fe, mwen sal fèy papye. Mouch sav foumi visye. Nati tande. Anyen k tout, Tout pa anyen. Fonge Konprann, lamitye. Boloze nan jouvans Lasin.

Sot ke Tè ak Moudong, Azaka kwaze Legba gran chimen. Zanmzèl Danmbala desann nan makout. Sant Lonbrik al nan nen. Tchovi Nanm.